to work well and live better
Jasangarraitasuna
Akaban pertsonen garapen eta ongizatean oinarritzen den enpresa eredu bat diseinatu dugu, gure berezko enpresa kultura garden eta jarraitu batekin.
Gure misioa da jasangarritasuna eguneroko erabakiak hartzean integratzea, pertsonengan eragin positiboa sortzeko eta, aldi berean, ingurumeneko gure arrastoa murrizteko. Gure unibertsoa eredu zirkularrago eta gardenago baterantz jotzea da, gure bezeroen gogobetetasuna etengabe bilatzeko bidean. Nortasuna duten altzariak, errespetuzko ingurune seguruetan ongi lan egiteko eta hobeto bizitzeko.
Gure komunitateari laguntza eta babesa
Gure jendea...
garrantzizko balioa!
Gure enpresa-jarduna 1986an hasi genuenetik, AKABAn garatzen joan garen enpresa-eredua pertsonetan, gardentasunean eta merkatuaren premietara egokitzeko beharrezko kudeaketa- eta lehiakortasun-tresnak ezartzean oinarritu da, eta emaitzak argi eta garbi eta beti partekatu izan ditugu langile guztiekin.
Urteen joanarekin, geure enpresa-kultura, “Akaba Unibertsoa” moduko bat, sortu dugu, eta unibertso horretan plantillako langile guztiok bat gara eta enpresa sentitzen gara, enpresa-estandar zaharretako zuzendaritzaren eta langileen arteko etengabeko gatazka-girotik urruti. Akabako enpresa-kulturaren ezaugarriak batasuna, ahalegin partekatua eta kudeaketa-eredu parte-hartzailea dira.
Jose Angel Diez Mintegui - Zuzendari nagusia
Dibertsitatea eta inklusioa ardatz harturik gure langileen beharrei erantzuten diegu horniketa-katean.
Gizakiarentzat ongizate-eredu jasangarri bat garatu ahal izateko, besteak beste, berdintasuna, dibertsitatea eta inklusioa hartzen ditugu oinarrizko baliotzat. Printzipio horiek islatzen dira, alde batetik Hitzarmenean, jasangarritasunaren aldeko Akabaren konpromiso eta ahalegin kolektiboaren oinarriak finkatzen dituen eta denentzat lan-baldintza duinak eta ekitatiboak bermatzen dituen langileen eta enpresaren arteko akordio korporatiboan. Bestalde, maila komunitarioan, gehien behar duten eta baztertuen dauden kolektiboen ondoan egotearen aldeko apustua egiten dugu, eta, horregatik, aspaldiko urtetan SOS Arrazismoa eta Sutargi bezalako elkarte eta enpresei laguntzen diegu.
Akaban asko zaintzen dugun beste alderdi bat pertsonen prestakuntza eta garapen pertsonala da. Hainbat hezkuntza-erakunderekin ari gara lanean kualifikazio-maila handiko pertsonak garatzeko eta, modu horretan, belaunaldi berriei lan-etorkizun bat emateko. Bestalde, erabiltzen ez ditugun ehunak lehen hezkuntzako eskolei ematen dizkiegu heziketan laguntzeko eta, era horretara, ekonomia zirkularrago baterantz egiteko.
Azkenik, ahalmen berritzailean eta garapen efizientean eragina izan ahal izateko, Bikaintasuna eta Erabateko Kalitatea kudeatzeko plan bat gauzatu dugu, Euskalitek ziurtatua.
Etengabeko berrikuntza eta autoebaluazioa lantzen ari gara diseinu iraunkorrak eta zirkularrak lortzeko, eta horregatik, gure produktu guztiak ISO 14006 Ekodiseinua arauaren arabera diseinaturik daude.
Akaban ekodiseinatutako produktuak egiten ditugu, eta neurriak hartzen ditugu produktu berria sortzen dugunetik haren bizi-zikloaren amaierara arte. Hori dela eta, ahalegin handia egiten dugu gure fabrikazio-prozesuan ahalik eta baliabide natural gutxien erabiltzeko eta hondakinak eta emisioak gutxitzeko.
Era berean, gure ustez, produktua iraunkorra izatea funtsezkoa da gure ingurumen-aztarna gutxitzeko, eta, hori dela eta, kalitatezko altzariak, funtzionalak eta erresistenteak, joera aldakorretara egokituko direnak, sortzen ditugu. Gure iraunkortasunaren funtsa goi-mailako erresistentzia- eta egonkortasun-ziurtagirietan dago, eta produktuari bizitza luzea eta bermea ematen dizkio horrek.
Azkenik, eta produktuaren balio-bizitzaren amaierari dagokionez, berreskuratzen eta birziklatzen errazak izango diren metodoen eta materialen aldeko apustua egiten dugu, era horretara alferrikako hondakinak sortzea saihestuz. Gainera, gure produktuak eta osagaiak konpontzeko eta berrerabiltzeko zerbitzua ere badugu, gure altzariak ahalik eta denbora gehienean egon daitezen zirkulazioan.
Materialen eta produkzio tekniken hautaketa egokia ezinbestekoa da kalitate atmosferikoa duten eta erakargarriak diren espazio kolaboratiboak sortzeko.
Oinarritzat ekodiseinua eta ekonomia zirkularra hartuta, material birziklatuen eta birziklagarrien proportzioa igotzeko plan bat abiarazi dugu. Materialak bilatzean, ez dugu kontuan hartzen horien erakargarritasun bisuala edo ukia bakarrik; horrez gainera, iraunkortasuna, jatorria, ingurumen-eragina eta bizi-zikloa ere hartzen ditugu kontuan. Gure kalitate-irizpideak betetzen dituen material berri eta jasangarriago bat aurkitzen dugunean, batere zalantzarik egin gabe sartzen dugu gure diseinu- edo fabrikazio-prozesuan.
Hornitzaileei dagokienez, Akaba goi-mailako estandarrak betetzen dituen enpresa-portaera etikoaz arduratzen da, eta jasangarritasunarekiko gure konpromisoarekin eta ikuspegiarekin bat datozen laguntzaile eta hornitzaileak aukeratzen ditugu, beraz.
Era berean, teknologia eta baliabide berriak erabiltzearen aldeko apustua egiten dugu gure prozesuak hobetzeko eta materialak efizientzia handiagoz aprobetxatzeko.
Kolaborazio estrategikoa oihal hornitzaileekin
Erabiltzen ditugun oihalek ingurumena errespetatzea nahi dugu, baina baita gure erabiltzaile eta langileen osasuna eta segurtasuna ere. EU Ecolabel ziurtagiria duten ehunak eta ISO 14001 arauari jarraituz fabrikatzen duten hornitzaileak aukeratzen ditugu. Gure oihalak material jasangarriz, adibidez zuntz naturalez eta poliesterrez, eta ingurumena errespetatzen duten produktu kimikoz eginda daude, eta horiek fabrikatzeko behar diren lehengaiak lortzean animalien eskubideak errespetatu direla ziurtatzen dugu.
Poliuretano-apar malgua eta biskoelastikoa
Koloretako poliuretano-apar malgua eta biskoelastikoa. OEKO-TEX ziurtagiriak goi-mailako segurtasun-estandarrak ezartzen ditu gai kaltegarriak detektatzeko probatutako materialentzat. Hori dela eta, OEKO-TEX aparra erabiltzen dugu tapizatutako gure produktu gehienetan.
Plastiko iraunkorra
Akabak 100% plastiko birzkiklagarria erabiltzen du. Era honetan, bizitza zikloaren amairean produktu finala berriro birzkiklatzea ahalbidetzen dugu.
Jatorri naturaleko eta birziklatutako materialen aukeraketa
Material birziklatuen bolumen handia sartzen dugu ekoizpen-prozesuan, hala nola, altzairua, aluminioa eta kartoia. Material nobleak eta naturalak bilatzen ditugu, esate baterako FSC eta PEFC ziurtagiria duten baso jasangarrietako zura.
Pertsonentzat eta ingurumenarentzat kaltegarriak diren produktu kimikorik gabeko estaldurak
Estalkiek ez dute berunik, eta Ecovalis baldintzak eta eskakizunak betetzen dituzte.
Enbalaje % 100 birziklagarriak
Akaban, eragin positibo bat sortu nahi dugu parte hartzen dugun fase bakoitzean. Diseinutik, produkzioarekin jarraituz, gure bezeroen proiektuetara iritsi arte. Azken fase honetan, eskari bakoitzean enbalajea optimizatzen dugu sorturako hondakinak (kartoia, plastikoa etab.) murrizteko. Gainera, enbalajean erabiltzen ditugun material guztiak 100% birziklagarriak dira.
Certificates
ISO 14001 ingurumena kudeatzeko sistemen munduko estandar nagusia da. Arau hau ezartzearen abantailen artean daude ingurumen-inpaktua murriztea, hondakinen sorrera eta energia-kontsumoa murriztea eta negozio-jardueren kostuak murriztea.
ISO 14006 Nazioarteko arau bat da, eta erakundeei ingurumen-kudeaketako sistemaren (EMS) ekodiseinuaren kudeaketa ezartzen, dokumentatzen, ezartzen, mantentzen eta etengabe hobetzen laguntzeko jarraibideak ematen ditu.
EPD bat nazioarteko ISO 14025 arauaren arabera prestatutako ingurumen-adierazpen ziurtatua da. Dokumentu bat da, zeinaren bidez enpresa batek, aurrez zehaztutako parametroen arabera, produktuaren ingurumen-errendimendua gardentasunez komunikatzen duen.
AKABAn, basoen eta landaketen kudeaketa arduratsua sustatzeko lan egiten duen izen bereko nazioarteko erakundeak emandako Forest Stewardship Council® (FSC®) ziurtagiria duten hornitzaileekin lan egiten dugu. FSC® ziurtagiriak zuraren eta haren deribatuen trazagarritasun handiena bermatzen du.
GECA (Good Environment Choice Australia) irabazi-asmorik gabeko Australiako ziurtapen-erakunde independente bat da, ekoizleak beren produktuen eragina murrizteko eta kontsumitzaileak ingurumenaren babesean arreta jarrita egindako produktuak erostera bultzatzen dituena.
